Rev 14 | GbrGAW | STEP | Nnavun magye kugya gni agni tu, n Sihiyona epe n gnisun n na azayi dubu tagyi n cei kpe shinyi cei anyi (144,000) nɓa ɓei nwo eye n wo Dada eye yi kakpe n ɓa anyikunmi nyi.

Revelation of John 14

Anyi Woiwoyi

1 Nnavun magye kugya gni agni tu, n Sihiyona epe n gnisun n na azayi dubu tagyi n cei kpe shinyi cei anyi (144,000) nɓa ɓei nwo eye n wo Dada eye yi kakpe n ɓa anyikunmi nyi. 2 Ma wo kasun kwoi ci she, ngye anuwan yakwo kwo ngye ogma wyisa. Kwaya nu ɓei ko anyi ɓedo n na muloyi.

3 Kwaya dnagmayi ye-aza dubu tagyi n cei kpe shinyi cei anyi, (144,000) ɓa kwo anyi woi-woyi, n Shekwoyi shinkpegye aba n na anya wye-wyeyi dai ngun anyi, n na tukwo dai shiba cei anyi, zaho to ɓei kpe anyi yen, sai aza dubu tagyi ncei kpe shinyi cei anyi yi ho (144,000). N na gni ɓa n na anyi nyi. 4 Gama ɓato tucegye lo dna n Zafun n gyigyi yi ngye aɓianyi-kwoyi n nato shin gyewan n ɓai n, ɓai vi kugya aba vinya n walo. Ala ɓa si n na aza mi n na anyi nge hadaya kni-kniyi Shekwoyi nya n Kugyai. 5 Ata ce akata fi ɓan, ɓato n laifi yi lon. 6 Magye malaika doho woi gye afu n na anyi bmana, n Nabari manayi shi, wa zhin aza waʼazi ba akni doho-doho, n na abyei, n na anyitalayi. 7 Woi sawyi woi gna, “Wo Shekwoyi dna, ha lawo mwa: mwa tu, gama esa lasi nwo ɓa sase tu ngye Alkali, ga wo mwa-mwa nwa zhin eshe n na anyi-i nyi, anuwan yakwo n na anyayi vinya nɓa fi n ɓa nyi.”

8 Malaika doho wa viwo n na avun, n na anyi bmana woi gna, “Babila n la miya, kwola miya, ezhinyakwoyi gama kwo dna akni anyi nya kwoce, kwa dnaɓa asisi ɓo zhin n laifi yi n mwa.”

9 Malaika tayi wa viɓa woi sawyi nge, “Ozaho-zahoyi n wo ga Nyawan-nyawan mwa-mwa nkwo gmi n nuwanyi, n wo nya zhin-zhin yi, wa gwo owo zetu, nwo nyikunmi kwo obwa. 10 Tile wa sin nuwan nukwoyi Shekwoyi minagyi nya, azekwo fi n tna buyi Shekwoyi kop minagyi nya, a ɓei gyi ɓa ena n sulfa yi, n wo amalaika gyi-gyi-yi abye n kugya yi. 11 Awu oɓa azhinya ɓa gun lo eshe nyalo-nyalo, ɓato ɓei shan sun n sukwoyi n nyipyeyi-gama ɓa ga Nyawan-nyawan mwa-mwa n wo nya zhin-zhin yi, ɓai la owo eye tuze gwo.” 12 Fa deye kwa ga Shekwoyi aza kala, ɓa zhin hakuri dna n wahala doho-dohoyi n nazhinyi, gama aza n ɓa mi zhi n kalayi dna n wo awyi-dnai vi, ɓai kpema Yesu, ɓa zhin aza gyi-gyi-yi nu. 13 Mawo begye n eshe bmana, n mi eshe kwoi cige, “Ka aɓeye kpe, esa n la si nsai n awo aza a fifiyi ɓa lo oɓa sun-sun, E, Zafun nu na da, ɓazhin anabarkada nu, gama nsaiye ɓaɓa sun n ɓa azhin, ntnu-tnuyi, gama oɓa atnu-tnu manayi viɓa lo har eshemi.” 14 Aɓo ɓa shando, magye a nyin bui-buyi n Zahoi sase tu n ɓa n wu ngye Yesu, n na ɓei yiwo ge, “Oza Nugun.” N Rawa ni Zinariya, nya yi kun n wo tukwo, n Limizhegye gyi-gyi-yi shi n wo akun.

Okni Nyabye Ku Bi

15 Nnavun Malaika gmiɓe n Aduwa nyakun wa yi wo, “Ya apma zhin n Limzhegye yi, gama esa n laho si ha ya do, gama ampanyi anyi nya n la ɓi.” 16 Nsai oza nwo sase tu n na anyi nyi wa dna limzhegye anyi, wa ye ampanyi zhi. 17 Ndeye avun malaika ho woi gmi n aduwanyakun n eshe n Limzhegye gyi-gyi-yi shi ce.

18 Dna n sayi malaika, n wo n ikoi wa zo anyi n enai nyi, wa sawyi dna malaika nwo n Limizhegye shi nyi “Zhin akma n ho Limzhegye yi nsaiye, ha do anab shinwa anyi nya gama ɓa ku ɓi ntu n owa daɓo.” 19 Malaika ya limzhegye dna wa do anab wa yezhi n anab abazhinba, n Shekwoyi minagyi aba. 20 A dna anab n kwo aba zhinba nzhi yakwo avun, ami ɓa zeya ngye edna mile tagyi ngun aba (200) n lo-loyi n kwo ɓa si dokwo lunzami.